6. Bê-sit | 迷失

6. Bê-sit [Tâi-gí gí-im]

Bāng tiōng góa tī sim-lîm kap khe-khàm chhōe lō͘,

Chiâⁿ kî-miāu, it-ti̍t ū kng ûi góa sì-bīn;

M̄-koán sī siū ín-iú a̍h-sī hoān tio̍h siâ,

Góa it-ti̍t tòe tio̍h ka-tī ê sim-siaⁿ.

Chhiâng-chāi seng-oa̍h tiong ê hiān-si̍t

Phah chhéⁿ góa, kiò góa ài bīn-tùi!

Khiā hia, góa kak-chhéⁿ, kiaⁿ-hiâⁿ

M̄-koh kín-kín góa sûi soan lī-khui.

Oh, in koái góa chhut ê un-loán ê chhù,

Oh, in hō͘ góa khùn-jiáu ê ài ê bîn-bāng,

Góa kiâⁿ kòe chhian-pah tiâu lō͘ tńg-lâi ah

Tō ná-chhiūⁿ khe-chúi lâu-tńg tōa-hái.

Chhun-thiⁿ ê soân-lu̍t ín góa ji̍p ò-miāu,

Bāng ê chiáu tián-khui kng-iām ê si̍t;

Góa ê tông-nî hiòng chêng ná-chhiūⁿ sin--ê,

Tī kim-sek kng-sòaⁿ kap phang-siaⁿ ni̍h,

Góa iū óa tī lāu-bú sin-piⁿ thî-khàu.

--

6. 迷失 [台語語音]

夢中我 tī 森林 kap 溪崁揣路,

誠奇妙, 一直有光圍我四面;

毋管是受引誘抑是犯著邪,

我一直綴著 ka-tī ê 心聲.

常在生活中 ê 現實

拍醒我, 叫我愛面對!

徛遐, 我覺醒, 驚惶

M̄-koh 緊緊我隨旋離開.

Oh, in 拐我出 ê 溫暖 ê 厝,

Oh, in 予我困擾 ê 愛 ê 眠夢,

我行過千百條路轉來 ah

Tō ná 像溪水流轉大海.

春天 ê 旋律引我入奧妙,

夢 ê 鳥展開光艷 ê 翼;

我 ê 童年向前 ná 像新 ê,

Tī 金色光線 kap 蜂聲 ni̍h,

我又倚 tī 老母身邊啼哭.

--

6. Lost

Sleepwalker, I feel my way through forest and gorge,

Fantastically around me a magic circle flows;

Not caring whether I'm courted or cursed,

I follow truly my inner calling.

How often that reality in which they live

Has wakened me and summoned me to itself!

I stood there disillusioned and frightened

And soon crept away again.

Oh, warm home that they steal me away from,

Oh, dream of love that they trouble in me,

I flee back to you down a thousand

Close paths, as water returns to the sea.

Springs lead me in secret with their melodies,

Dream birds ruffle their brilliant plumage;

My childhood rings forth as if it were new,

In golden strands of light and the sweet song of bees,

There I find myself sobbing near the mother again.

--